La FIMP 2022 llega otra vegada a Xixón

FIMP ye la feria de nueves tecnoloxíes ya innovación más importante del norte d’España y esta selmana aporta otra vuelta a Xixón.

Dende la so primer edición, allá por 2014, FIMP creció de forma sostenida años tres añu, pasando de ser un pequenu congresu a convertise n’una feria que cunta con miles d’asistentes de distintes edaes y perfiles. Pa ello creose un plató de televisión dixital, nel que poder dar cabida a infinidá de divulgadores de distintes cañes de la conocencia y profesionales de múltiples ámbitos ensin poner en riesgu nin a ellos nin a el espectadores.

Dende la organización del FIMP entiéndese que’l progresu y l’evolución son daqué necesariu, siempres y cuando se tenga un llugar onde poder llevar dambos a cabu. Por ese motivu, nesta edición del FIMP, a la que se denominó Growing The Future, búscase faer fincapié en temes como la sostenibilidá, el consumu responsable de los recursos que llogramos de la Tierra, y nes nueves tecnoloxíes que nos dexen xenerar materiales alternativos de cara a frenar la desapaición progresiva del nuesu planeta.

Xixón Impulsa patrocina una edición más esta feria añal que ye yá puntu d’alcuentru indispensable nel calendariu añal de la ciudá. Tola información de los ponentes y el desenvolvimientu del FIMP ta disponible en FIMP · Feria online d’innovación, tecnoloxía y divulgación científica