La Filarmónica acueye esti vienres la XII Gala de los Premios AMES

La Filarmónica acueye esti vienres la XII Gala de los Premios AMES
24 febreru 18:52 2017 Imprimir

Un total de 22 premios y dos más honoríficos a Niti Colsa y Alejandro Blancu ‘Escayu’, y 3 actuaciones en directu componen la XII Gala de los Premios AMES, que se va celebrar esti vienres día 24 nel Teatru Filarmónica, a partir de les 21 hores.

Los premios AMES son un festival “absolutamente consolidáu y queríu n’Asturies” como dixo’l presidente de la Fundación Municipal de Cultura, Roberto Sánchez Ramos, na presentación de la gala’l llunes pasáu.  Al zarru de la votación online rexistrárense 97.198 votos, lo que al so xuiciu, demuestra que se trata d’unos galardones consolidaos y aceptaos polos músicos asturianos.

Esti vienres fadráse entrega de 22 premios y dos más honoríficos a Niti Colsa, unu de los primeres en tocar la guitarra eléctrica n’España y otru más a Alejandro Blancu ‘Escayu’, baxista d’Illegales y Electric Buffalo, fináu l’añu pasáu y al que toos echamos enforma de menos.

El  que demientres los últimos años foi’l presentador de la gala, el periodista David Serna, nun va poder conducir l’eventu por motivos de salú y va ser sustituyíu por otru presentador del que nun se desvelará’l nome hasta la gala. Na web de los premios va haber tres actuaciones musicales en directu y tres la gala, va haber una fiesta d’entrada llibre en La Lleenda del Gallu na que van actuar cuatro discjokeys.

  Categories: