La Feria del Llibru de Xixón abrese esti llunes con coloquios

La Feria va cuntar nesta edición cola presencia 45 escritores y escritores, más de 50 actividaes, 45 puestos de vienta, 20 d’editoriales, 23  de llibreríes y delles instituciones. La Feria entama esti llunes col primer de los coloquios sobro’l confinamientu como xéneru nel patiu del CCAI a les 20 hores.

Alberto Ferrao, conceyal d’Educación y Cultura, Miguel Barreru, director de la FMCE y O.P. y Jaime Priede, responsable de la dirección lliteraria y de conteníos de la Feria del Llibru de Xixón, presentaron el llunes pasáu la nueva edición del certame, que se va celebrar ente los díes 24 y 27 de setiembre nel Paséu de Begoña, Centru de Cultura Antiguu Institutu, Antigua Escuela de Comerciu y calle Tomás y Valiente.

L’actu cuntó cola asistencia de Laura Pascua (Presidenta de l’Asociación  de llibreros de Xixón) Ana Raspia ( Presidenta del  Gremiu d’editores d’Asturies), Daniel Alvarez (Editores al Marxe) y Rafa Gutiérrez (Unión de Comerciantes).

La Feria va cuntar nesta edición cola presencia 45 escritores y escritores, más de 50 actividaes, 45 puestos de vienta, 20 d’editoriales, el Serviciu de publicaciones de la Universidá d’Uviéu y la Fundación Alvargonzález, 23  de llibreríes amás de la presencia de la Rede Municipal de Biblioteques de Xixón.

Ente otres novedaes, esta edición abrirá los díes previos con Los coloquios de la Feria, trés meses redondes que se van celebrar nel Patiu del CCAI a les 20 hores:

• Llunes 21: El confinamientu como xéneru: Nueves formes d’espublizar la cultura.
• Martes 22: La vieya y la nueva normalidá: (deas)arranques tres un parón en secu.
• Miércoles 23: L’espardimientu cultural nos medios asturianos: virus y vacunes.

Les actividaes de la feria que se desenvuelvan nes carpes y nel patiu del CCAI riquen inscripción previa. Podrán formalizase hasta les 15,00 hores del día anterior a la fecha de realización de l’actividá (hasta completar places disponibles) al traviés del email felixixongijon.es, indicando nome, apellíos, númberu de DNI y teléfonu de contactu.

Consulta nesti enllaz la programación de la Feria del Llibru de Xixón 2020