Portada Lliteratura La Feria del Llibru de Madrid fina con más de 9,1 millones en vientes

La Feria del Llibru de Madrid fina con más de 9,1 millones en vientes

by redacción asturnews

La Feria del Llibru de Madrid peslló esti domingu la so edición de 2021, celebrada per primer vegada en septiembre pol Covid-19, con unos 384.000 visitantes y unes vientes de más de 9,1 millones d’euros, lo que supon un 10% menos que la cita de 2019.

Asina lo detalló’l so director, Manuel Gil, a los medios de comunicación, a los que treslladó que foi “una feria complexa” pero que les magnitúes midíes” son “bien bones” con 1.700 autores y 4.500 firmes, de les qu’un 40% fueron autores. “Hai qu’entender que tamos nun contestu distintu a 2019 y que nel marcu de la recuperación del sector, son datos esencialmente bonos”, defendió.

Una de les novedaes d’esta edición, arriendes de la pandemia, yera una isleta central qu’apiguraba a editoriales con catálogos pequenos que “facturaron menos”. Esta solución plantegóse para “nun escluyir a xente” so les midíes estremes” que condicionaben esta feria, remarcó Gil, quien añedió qu’a les “grandes editoriales” foi-yos estupendu”. Ente los datos apurríos tán les visites qu’atropa la web, más de 1 millón.

Otru de los elementos que marcó esta cita foi l’aforu, marcáu en 3.900 persones, que facilitó una “rotación rápida” y dexó “anovar de cutio” l’aforu y que pasaren per esti espaciu “de 20.000 a 22.000 persones” al día.

Tamién te podria gustar