La Federación de Coros d’Asturies “pon música” al programa “Uviéu, orixe del Camín”

La Federación de Coros d’Asturies “pon música” al programa “Uviéu, orixe del Camín”
22 xunu 08:30 2022 Imprimir

Les formaciones de la Federación de Coros d’Asturies van ufiertar cinco conciertos en delles ilesies de la capital dientru del programa “Uviéu, orixe del Camín”. El primeru de los recitales tuvo llugar na de San Isidoro El Real, esti pasáu sábadu, cola participación del Coru del Centru Asturianu d’Uviéu y del Coru de Muyeres, de San Esteban de les Cruces.

El conceyal de Turismu, Alfredo García Quintana, presentó na sala de prensa del Conceyu, la programación musical coral “Uviéu, orixe del Camín”, acompañáu del director de la Federación de Coros d’Asturies, Marcelino Martínez  y los representantes de los coros, Modesto Fernández y Rebeca Velasco.

“Esta programación coral inclúyese nel programa Uviéu, orixe del Camín, col que tamos bien comprometíos al envís de poner  en valor todo los recursos que tenemos n’Uviéu venceyaos al Camín de Santiago, bien sían culturales, deportivos, espositivos… Por eso desenvolvimos, cola Federación de Coros d’Asturies, esti programa tan curiosu ya interesante, tamién cola collaboración del Arzobispáu y les ilesies d’Uviéu: San Isidoro El Real, Sagráu Corazón de Jesús, San Juan el Real y Santa María la Real de la Corte y el 25 de xunetu, Día de Santiago, na Catedral. Habíamos intentando qu’allegara güei el delegáu episcopal de pelegrinaciones, Javier Suárez, al que quiero estimar la disposición de toos estos allugamientos”.

Marcelino Martínez estimó “l’acoyida del Conceyu d’Uviéu qu’entendió que la vida cultural tien un llugar nesti programa ‘Uviéu, orixe del Camín’. Hai 12 coros federaos n’Uviéu, colo que la presencia ente los ciudadanos d’Uviéu rescampla. La música coral foi xuna pieza importante na hestoria del Camín como vehículu de desenvolvimientu y mestizaje cultural. Eso ye lo que queríamos afigurar na celebración d’estos cinco conciertos, con un conteníu fundamentalmente relixoso”.

Rebeca Velasco, directora de cuatro de les corales participantes nel ciclu, destacó que “la familia cotral asturiana y uvieina ye enorme, pol númberu de participantes y el públicu qu’abasnamos”. Modestu Fernández, presidente del Soro San Javier, sorrayó que “esti programa va potenciar la masa coral d’Uviéu”.

Ver programa

  Categories: