Educación La falta d’interés na participación desdibuxa les elecciones al claustru by asturnet 19 de mayu, 2004 written by asturnet 19 de mayu, 2004 18 Dos mil d’ente 30.000. Los estudiantes de la Universidá d’Uviéu amosaron ayeri col so absentismu electoral una evidente falta d’interés pola elección del claustru, el másimu órganu de la institución académica asturiana, que depués de la entrada en vigor de la Llei Orgánica d’Universidaes vio amenorgaes les sos competencies al dexar de poder designar al rector. Sólo un 12,7 por cientu de los llamaos a votar participaron nos comicios. El refalfiu foi especialmente sensible nel collectivu de los alumnos, nel que namás acudieron a votar 2017 estudiantes de los 29.688 con drechu a sufraxu, lo que supón una participación del 6 por cientu nunes elecciones que, con calter xeneral, quedaron dafechu desdibuxaes poles cifres globales: Votaron 4.293 docentes, alumnos y trabayadores d’alministración y servicios, cuando taben convocaos a les urnes un total de 33.785 electores. En porcentaxes, los profesores doctores foron el collectivu con mayor índiz de participación (88 por cientu), siguíos del personal non docente (71 por cientu) y de los profesores funcionarios non doctores (55 por cientu). Los estudiantes de doctoráu foron los menos interesaos en participar nos comicios, con una tasa d’emisión del votu de namás el 2 por cientu. A les elecciones d’ayeri concurríen 520 candidatos. El claustru ye l’órganu cimeru de gobiernu de la Universidá asturiana. Presidíu pol rector, la mayoría de los sos 300 puestos tán reservaos a los profesores, que nos sos distintos graos ocupen 195 places. Xunta estos casi doscientos docentes, nel claustru que salga de les inminentes elecciones sentaránse amás 75 representantes de los alumnos y 30 miembros del personal d’alministración y servicios. Resultaos completos na web de la Universidá 0 FacebookTwitterPinterestEmail Anterior Segundu concursu de gaita de Xixón siguiente Xixón espera una venta masiva d’entraes a última hora pa evitar un fiascu nel conciertu de McCartney Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...