La Facultá de Turismu d’Uviéu va enllantar el grau de Ciencies de la Gastronomía en 2018

La Facultá de Turismu d’Uviéu va enllantar el grau de Ciencies de la Gastronomía en 2018
15 10:18 2017 Imprimir

La Universidá d’Uviéu va impartir el grau en Ciencies de la Gastronomía’l próximu cursu 2018-2019. Asina lo adelantra la decana de la Facultá de Turismu d’Uviéu, el centru priváu adscritu a la Universidá con see nel acabante estrenar campus de Olloniego nel que se van cursar los cuatro años d’esta nueva titulación.

Asturies va sumase a la llista de seis comunidaes autónomes qu’inclúin la gastronomía nos sos programes universitarios. Desque’l Basque Culinary Center (Guipúzcoa) sentara les bases cuando abrió les sos puertes nel añu 2011 y hasta que nel presente curso lo fixo la Universidá Europea del Atlánticu, de Santander, trabayaralo tamién la Universitat de València, la Politècnica de Catalunya, con see en Barcelona; la Francisco de Vitoria de Madrid; la Católica de Murcia; y el Campus de Turismu, Hotelería y Gastronomía, tamién de Barcelona. Siete centros en total, de los cualos solu dos son universidaes públiques.

N’Uviéu va enllantase, una vegada concrétese esti proyectu, en fase de desenvolvimientu, un modelu similar al del postreru citáu, pos tamién se va encargar d’ufiertalo un centru adscritu. La matrícula añal va costar en redol a 5.000 ó 6.000 euros. «Somos conscientes de que nun va poder dexá-ylo el 100% de la sociedá, pero la Universidá d’Uviéu nun puede asumir la puesta a puntu del proyectu na actualidá». «El nuesu oxetivu nun ye camudar los estudios de Formación Profesional actuales porque lo que se ta faciendo ta perbién. Ello ye que habría que potencialos; sinón que tamos falando d’alumnos distintos», esplica la decana, Marián G. Rúa. Tocantes a quién puede interesar esti grau de Ciencies de la Gastronomía citó a xerentes de restoranes, xefes de cocina, consultores y promotores, ente otres.

Pa llograr la titulación, va haber qu’aprobar los cuatro cursos nos que se va estremar el grau (en total, 240 ECTS). Anque entá hai que concretar la relación definitiva, va incluyir asignatures como bromatoloxía -esto ye, l’analís de los componentes de los alimentos-, fundamentos de l’alimentación, hestoria de la gastronomía, turismu gastronómicu, procesos psicolóxicos y de gastronomía, microbioloxía de l’alimentación, xestión d’empreses, xestión de destinos turísticos, protección de la calidá y analís sensorial de la gastronomía. Les práctiques n’empresa y los idiomes van ser fundamentales. Los alumnos van pasase, a lo menos, dieciocho meses faciendo práctiques n’empresa.

  Categories: