La Factoría Cultural imparte 5 talleres pa la integración llaboral feminino

Concedíos pola Federación Española d’Universidaes Populares dientro 0,7% del IRPF de 2019 destináu a actividaes d’interés sociales, la Factoría Cultural imparte 5 talleres pa la integración llaboral de moces y muyeres en riesgu d’esclusión. Paisaxismu, arte escénico, música y cerámica negra son dalgunos de los campos nos que va trabayar para ameyorar la empleabilidá. Los cursos son gratuitos y tán incluyíos los materiales.

La Factoría Cultural d’Avilés va impartir cuatro talleres empobinaos a la integración sociolaboral y meyora de la empleabilidá que fueron aprobaos pola Federación Española d’Universidaes Populares (FEUP) y van ser financiaos cola partida del 0,7% del IRPF de 2019 destinada a actividaes d’interés social. Tolos cursos son gratuitos ya inclúyense los materiales. Los programes presentaronse esta selmana en rueda de prensa pola conceyala de Cultura y Promoción de Ciudá, Yolanda Alonso.

Cada cursu ufierta 10 places pa muyeres y moces y que, dende la exa común del desenvolvimientu cultural al traviés de les aules populares, toquen disciplines que van dende l’arte, al teatru y el paisaxismu.

El plazu de matriculación empecipia’l miércoles 13 de xineru pa cuatro d’ellos, los financiaos cola partida del 0,7% del IRPF. Amás, dientro del programa SARA, de motivación y acompañamientu de muyeres nueves, preferentemente ente 18 y 35 años pal insertamientu sociu llaboral de muyeres en situación d’especial vulnerabilidá, foi escoyida pa impartir un taller de cerámica negra.

Les inscripciones van poder realizase per trés víes: presencialmente, por aciu cita previa al traviés de la web del Conceyu d’Avilés http://aviles.es/web/ayuntamiento/cita-previa. Al traviés del númberu de teléfonu 985548617 Y dende el corréu electrónicu ssanchezpaviles.es. Tendrá de facilitase nome y apellíos, númberu de teléfonu, númberu del documentu nacional d’identidá y fecha de nacencia.

En relación col cursu venceyáu col programa SARA va ser necesariu amás qu’indiquen el so nivel educativu (E.S.O, Bachilleratu, estudios universitarios…) y apurran documentu xustificativu qu’acredite la situación de demandante o meyora d’empléu. La inscripción nesti taller empecipiará’l 18 de xineru.

Más información