La Factoría Cultural estrena con un conciertu el nuevu álbum de Manitou

La Factoría Cultural estrena con un conciertu el nuevu álbum de Manitou
20 avientu 09:48 2018 Imprimir

La Factoría Cultural estrena con un conciertu el nuevu álbum de Manitou. La nueva banda avilesina llanza’l so segundu discu, nel qu’evolucionen escontra un rock más potente y maduru.

La Factoría Cultural d’Avilés convirtió la música nunu de los estandartes de la so programación. El rock nacional ya internacional atopó ellí l’acomodu perfectu dende’l qu’atraer al públicu de tol norte d’España. La banda avilesina Manitou tamién lo tien claro, y esti vienres, 21 d’avientu, va dar a conocer el so últimu álbum, “Llibres”, nun conciertu de presentación que va tener llugar a les 21 hores nel espaciu escénicu del centru cultural de l’avenida de Portugal, 13.

Les entraes, a un preciu de 8 euros (10 el día del conciertu), pueden adquirise nes canales habituales: les taquilles de la Casa de Cultura de 11 a 14 y de 18 a 21 hores), los caxeros Liberbank, el teléfonu 902 106 601 y al traviés de la web https://entraes.liberbank.es/palaciovaldes.

La llegada de Manitou a la Factoría supón otru refuerzu al espíritu roqueru del centru, con ciclos como la Factoría Sound, que cerró la so programación de 2018 a empiezos d’esti mes. La banda avilesina llega col so nuevu discu, “Llibres”, acabante salir del fornu y fíxose coincidir el conciertu cola so puesta a la vienta.

Grabáu nos Ovni Estudios de Llanera, manifiéstase como un puntu d’inflexón na so carrera, nuna evolución escontra un rock más potente y maduru, y el públicu de la Factoría va tener l’honor de ser el primeru en poder esfrutalo en directu.

La banda nació en 2013, en 2014 ganó los premios CISLAN y en 2015 presentó’l so primer álbum, “Orixe”. De magar, llegaron a compartir escenariu con referentes como Siniestru Total o Mikel Erentxun. Siempres col rock por bandera, la formación ta integrada por Fernando Iglesias (guitarra y voz), Jonathan Fernández (batería), Diego de Campu (baxu), Alberto del Ríu (guitarra), y Javi Menéndez (gaita y saxo).

  Categories: