La Factoría Cultural entama dos talleres de danza contemporanea n’agostu

La Factoría Cultural entama dos talleres de danza contemporanea n’agostu
25 xunetu 09:23 2018 Imprimir

La Factoría Cultural d’Avilés entama dos talleres de danza contemporanea n’agostu que van ser impartíos por Lucía Bernardo Suárez ente’l 6 y el 16 d’agostu.

Unu de los talleres ye de nivel básicu pa públicu de toles edaes y otru empobináu a persones con conocencies previes de danza o que tean avezaes a la práctica deportiva. La matrícula puede realizase hasta’l 3 d’agostu llamando al teléfonu 985 548 617 o presencialmente na Factoría Cultural n’horariu de 9.00 a 14:30 hores de llunes a vienres

L’actividá de la Factoría Cultural sigue pel branu. Ente’l 6 y el 16 d’agostu ufiértense dos talleres de danza contemporanea de nivel básicu y avanzáu. El primeru d’ellos ta empobináu al públicu xeneral y de cualquier edá que quiera tener un primer contactu con esta modalidá de baille  ente que’l segundu ta pensáu pa persones que yá tienen conocencies de danza contemporanea o que tán avezaes a la práctica deportiva.

Lucía Bernardo Suárez va ser la encargada d’emponer dambos grupos. Ye baillarina y profesora, titulada en Coreografía ya Interpretación de la Danza pol Conservatorio Superior de Danza María d’Ávila de Madrid amás de codirectora de la compañía SOMOSDANZA, cola que realiza creaciones independientes, proyectos didácticos y trabayos per encargu.

“Danza contemporanea pa toos” dirixese a persones ente 6 y 80 años que tengan interés n’esfrutar de la danza contemporanea en tou la so rellumanza. Va Tener xuna duración de 10 hores lectives, de llunes a vienres ente les 10:00 y les 11:15 hores. La matrícula tien un costo de 35 euros y va impartise del 6 al 16 d’agostu.

El segundu taller, que tamién va tener llugar del 6 al 16 d’agostu, lleva por títulu “Dancia contemporanea pa profesionales” y ta pensáu para pre-profesionales de danza, profesionales, actrices y actores que tengan conocencies previes de danza o persones avezaes a la práctica deportiva. Nesti casu la duración va ser de 12 hores lectives, de llunes a vienres ente les 11:30 y les 13:00 hores. El preciu del taller ye de 40 euros.

La matrícula pa dambos talleres puede realizase hasta’l 3 d’agostu llamando al teléfonu 985 548 617 o presencialmente na Factoría Cultural (Avenida de Portugal, 13) n’horariu de 9.00 a 14:30 hores de llunes a vienres.

Más información

  Categories: