ConceyosEducación La Factoría Cultural d’Avilés va impartir un taller de teatru pala reciella by redacción asturnews 19 d'ochobre, 2020 written by redacción asturnews 19 d'ochobre, 2020 2,1K La Factoría Cultural d’Avilés va impartir un taller de teatru pa neños y neñes d’ente 3 y 5 años dientro de la so programación pal cursu 2020-2021. Va Tener llugar los martes en trés veces distintes: de 17:15 a 18:15 hores pal alumnáu de 3 años (nacíos y nacíes en 2017), y de 18:15 a 19:15 o de 19:15 a 20:15 hores pa los grupos de 4 a 5 años (nacíos y nacíes en 2015 y 2016). El taller de teatru va ser impartíu por profesionales de l’actuación y la dirección teatral, y por monitores y monitores, qu’entienden l’arte dramático como xuna forma risondera de potenciar les habilidaes personales y l’espresividá del alumnáu. Los sos talleres concíbense como llugares de creatividá onde les neñes y los neños pueden crear y tresformar les escenes que van representar, diseñando y realizando les sos propies mázcares, marionetes, decoraos y vestuarios, por aciu l’aprovechamientu de recursos y l’usu de materiales reciclaos. Al traviés de xuegos de participación, cantares y narraciones, foméntase l’enfotu, el respetu y el compañerismu, ameyórase la capacidá pa espresase en públicu y refuérzase l’autoestima de cada participante. La matriculación empecipiará esti llunes 19 d’ochobre y va estendese hasta’l vienres 30 d’ochobre. Va Ser imprescindible solicitar cita previa en www.aviles.es/web/ayuntamiento/cita-previa, pa darréu poder formalizar la inscripción presencialmente nes instalaciones de la Factoría Cultural, de 9 a 14 hores de llunes a vienres y de 17 a 19 hores los miércoles. L’importe de la matrícula ye de 6€, el mesmu qu’el de caúna de les mensualidaes. Cabo destacar que nun s’inscribirá a nenguna persona que nun solicitara cita previa y nun va haber plazu preferente de matriculación pal antiguu alumnáu. 0 FacebookTwitterPinterestEmail Anterior ESAPA gana’l Concursu de diseñu gráficu EtiquetaNews siguiente L’Alcalde d’Uviéu recibió a embaxadores de Francia, Italia y Suiza Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles