La Factoría Cultural d’Avilés ufierta 15 talleres con munches novedaes

La Factoría Cultural d’Avilés ufierta 15 talleres con munches novedaes
13 setiembre 09:02 2021 Imprimir

La Factoría Cultural ufierta 13 talleres infantiles y 2 xuveniles (para alumnáu de 16 a 21 años) na so programación del cursu 2021-2022 con munches novedaes como les enseñances circenses y de lettering.

A les tradicionales disciplines como teatru, pintura, cerámica, story y stop motion, estampación o hip hop, xúnense otres nueves como talleres de circu, lettering, escultura de construcciones volumétricas y otros hasta completar una ufierta bien variada d’interés pa un alumnáu que se clasifica n’infantil de 3 a 5 años y de 6 a 16 años; y xuvenil, de 16 a 21 años.

La matriculación pa neños y mocedá pal antiguu alumnáu de la Factoría Cultural (cursu 2020 – 2021) va empecipia’l día 16 de setiembre hasta’l 30 de setiembre. Va Ser presencial na Factoría Cultural y pa ello va ser necesariu solicitar cita previa al traviés de la páxina web del Conceyu d’Avilés y la matriculación pa nuevu alumnáu va empecipiase’l 23 de setiembre hasta’l 30 de setiembre, tamién presencial y con cita previa. L’horariu de matriculación que tien la Factoría Cultural ye de 9:00 a 14:00 hores, de llunes a vienres y los miércoles de 17.00 a 19.00 hores. L’importe de la matrícula infantil ye de 6,00 euros y el de caúna de les mensualidaes de 6,00 euros. Y en los talleres xuveniles ye de 10,00 euros la matrícula y 10 euros la mensualidá.

Nun se va inscribir a nengún alumnu que nun solicitara cita previa solicitándose tantes cites como neños quieran ser matriculaos. La matriculación va poder ser realizada por cualesquier persona mayor d’edá qu’apurra autorización de padres o tutores llegales.

Más información

  Categories: