Portada Educación La Factoría Cultural d’Avilés participa nos Díes Europeos de l’Artesanía

La Factoría Cultural d’Avilés participa nos Díes Europeos de l’Artesanía

by redacción asturnews

La Factoría Cultural d’Avilés participa na celebración d’Esencia Artesana, un eventu entamáu dientro de los Díes Europeos de l’Artesanía (DEA) y mientres los que tamién van ser sede Colunga y Xixón.

Esencia Artesana ye una cita de calter festivu y divulgativu col que l’Asociación Mercáu Artesanu y Ecolóxicu pretende promover y averar l’artesanía d’Asturies, convidando al públicu a celebrar la gran fiesta europea de l’Artesanía que nesta tercera va tener llugar del 1 al 11 d’abril.

Talleres de cerámica negra y de cestería son les iniciatives con que va participar la Factoría Cultural. Los díes 8 y 9 d’abril van ser los talleres de cestería de 9:00 a 14:00 hores y de 16:30 a 21:00 hores a cargu del artesanu José Ramón Vázquez. Tamién va haber un taller de cerámica negra de la mano de Raúl Rodríguez “Arts Nómada”,

Amás, na sala d’esposiciones de la Factoría Cultural podrá visitase la esposición Premio Caja Rural d’Asturies d’Artesanía de Creación hasta’l 12 d’abril n’horariu d’apertura del centru. Visita llibre.00

Cursu de Cerámica Negra. Información disponible nel teléfonu 985 54 86 17 o na web de la Factoría Cultural d’Avilés.
Cursos de Cestería:
Xueves 8, de 16:30 a 20:30 hores con 8 places
Vienres 9, de 17:00 a 21:00 hores con 8 places

Información y inscricpciones en:  https://mercadoartesanoyecologico.com/esencia-artesana-asturiana/participa/

Tamién te podria gustar