Portada Conceyos La Factoría Cultural d’Avilés abre la matrícula de los cursos pa neños y neñes

La Factoría Cultural d’Avilés abre la matrícula de los cursos pa neños y neñes

by redacción asturnews

Dende esti llunes 3 de setiembre, nel centru de l’avenida de Portugal, 13 la Factoría Cultural ta abierta la matrícula de los cursos destinaos a neños y neñes. Pa los alumnos d’ente 16 y 21 años impartiráse un Taller de Grabáu y Estampación, otru de Dibuxu y unu de Cerámica.

La Factoría Cultural d’Avilés, dependiente de la conceyalía de Cultura, yá tien perfilada la so ufierta académica propia de cara al nuevu cursu, con destín al alumnáu infantil y al xuvenil. Les clases van empezar n’ochobre, y el procesu de matriculación abriose esti llunes 3 de setiembre, nel casu de les alumnes y alumnos n’edá xuvenil y de les neñes y neños qu’anueven matrícula, y a partir del día 12, pa les places disponibles una vegada rematen les renovaciones infantiles. El plazu d’inscripción va rematar el martes 25 de setiembre.

Les matrícules van formalizase na Factoría Cultural, asitiada na avenida de Portugal, númberu 13. N’horariu de llunes a vienres, de 9 a 14.30 hores. L’alumnáu infantil va tener a la so disposición talleres de Teatru, de Semeya aula, de Cerámica y de Pintura, y como novedá, unu de Grabáu y Estampación y otru de “Dancie hall”

Nel casu de los cursos xuveniles, destinense a alumnos d’ente 16 y 21 años, esto ye, nacíos ente los años 1997 y 2002, dambos inclusive. L’importe de la matrícula ye de 10 euros, y cada una de les mensualidaes va tener tamién un costu de 10 euros. Preparáronse trés talleres: de Grabáu y Estampación, de Cerámica y de Dibuxu. Les clases van empezar el 5 d’ochobre, salvo nel taller de Cerámica, que s’adelantra al miércoles 3 d’ochobre.

L’alumnáu infantil va tener a la so disposición seis cursos. Cuatro siguen del añu pasáu, son el Taller de Teatru, de Semeya Aula, de Cerámica y de Pintura, y dos son novedá, el Taller de Grabáu y Estampación, y el de “Dancie Hall”. L’importe de la matrícula pa les neñes y los neños ye de 6 euros, y ese va ser tamién el costu de les mensualidaes.

Más información

Tamién te podria gustar