La Factoría Cultural acueye’l programa “Artefactos con F” sobro arte y feminismu

La Factoría Cultural acueye’l programa “Artefactos con F” sobro arte y feminismu
09 avientu 12:37 2021 Imprimir

La Factoría Cultural, en collaboración cola Federación Española d’Universidaes Populares, y dientro del proyectu estatal IRPF:2019, programa’l ciclu “Artefactos con F”, con dos talleres y un ciclu de conferencies que busquen desmontar elementos propios del patriarcáu poniendo en valor el feminismu como elementu fundamental pa la construcción crítica de la conocencia.

El programa pon el focu na xeneración de propuestes creatives ya innovadores con conciencia de xéneru, dando a conocer a ceadores y artistes escaecíes pola hestoria del arte, a artistes feministes o con conciencia de xéneru de distintes partes del mundu.

Los talleres “Artefactos con EFE: Herstorias nunca contaes” y “Artefactos con EFE: La deconstrucción de lo femenino al traviés del colax” van ser gratuitos y van cuntar con 15 places destinaes a persones con interés ya interés na realización d’acciones creatives y artístiques venceyaes a la identidá, el xéneru, el feminismu y la situación de la muyer y l’arte nel sieglu XXI.

Les inscripciones pa dambos talleres yá tán abiertes y pueden realizase hasta’l próximu vienres, 10 d’avientu, al traviés del númberu de teléfonu 985548617, presencialmente, nes instalaciones de la Factoría Cultural d’Avilés (Avenida de Portugal nº 13) o por aciu corréu electrónicu a la dirección ssanchezpaviles.es facilitando nome y apellíos, númberu de teléfonu y númberu del documentu nacional d’identidá.

Más información

  Categories: