La Factoría Cultural acueye dende güei la esposición “Arqueoloxía: tierra y fueu” de María Jesús López Fernández

La Factoría Cultural acueye dende güei la esposición “Arqueoloxía: tierra y fueu” de María Jesús López Fernández
21 marzu 11:27 2019 Imprimir

La Factoría Cultural acueye dende güei la esposición “Arqueoloxía: tierra y fueu” de María Jesús López Fernández, artista ye alumna de la Escuela Municipal de Cerámica dende l’añu 2011. La esposición podrá visitase hasta’l 12 d’abril.

La Factoría Cultural d’Avilés acueye dende güei la esposición “Arqueoloxía: tierra y fueu” de l’alumna de la Escuela Municipal de Cerámica, María Jesús López Fernández. L’amuesa podrá visitase hasta’l 12 d’abril, de llunes a vienres n’horariu de 9:00 a 14:30 y de 16:30 a 21:00 hores.

Consta d’un mural, una instalación sobro paré, ocho pieces en volume y una pieza suspendida nel techu. Obra cerámica de peana, paré y colgada. Son pieces de gres natural con dalgún elementu arqueolóxicu ferrial y de madera a manera de colax con formes orgániques y cola tierra texturada.

La pieza suspendida nel techu ta formada por un conxuntu d’esferes esmaltaes y decoraes en superficie con técniques de rakú y amenorgamientu. Les pieces de paré destaquen pol so llinguaxe orgánicu bien texturado, decoraes con engobes, esmaltes y técniques mistes que reflexen el dominiu, per parte de l’alumna d’estes técniques de decoración dando llugar a una resultancia estética de gran riqueza.

María Jesús López Fernández ye alumna de la Escuela Municipal de Cerámica dende l’añu 2011. La so obra forma parte del  trabayu d’investigación desenvueltu diariamente pola alumna nes sos clases de Proyectu Personal. Esti ye’l tercer añu en qu’un alumnu de la Escuela Municipal de Cerámica ye escoyíu pa esponer la so obra col propósitu de destacar y dar visibilidá a les sos creaciones.

  Categories: