La Estaya de la Llingua d’Avilés programa’l ciclu “La cuarentena presta”

La Estaya de la Llingua d’Avilés programa’l ciclu “La cuarentena presta”
06 abril 11:20 2020 Imprimir
La Estaya de la Llingua d’Avilés vieno acabante programar el ciclu “La reciella en casa: La cuarentena presta”, que va desenvolvese dende’l 6 hasta’l 13 d’abril, coincidiendo con estes vacaciones de Selmana Santa.

Son un total de 8 activades que se van facer per Internet ente les que habrá cuentacuentos, música y talleres d’escritura, dibuxu, cómic y ropa tradicional. Podrá entrase cada día a través de los enllaces publicaos a les 12:00 hores en www.llinguaviles.com, www.aviles.es y redes sociales municipales
La Estaya de la Llingua del Conceyu d’Avilés vieno acabante programar un ciclu d’actividaes entituláu 2La reciella en casa: La cuarentena presta”, pal públicu infantil que se va desenvolver ente los díes 6 y 13 d’abril, coincidiendo coles vacaciones de Selmana Santa. Van ser un total de 8 actividaes  en llingua asturiana que, tolos díes abrirán una puerta a la imaxinación y al pasalo bien pa la reciella al traviés d’internet.

Sedrán un total de 8 actividaes que van facer diferentes profesionales con muncha esperiencia en disciplines como los cuentacuentos, la música o los talleres de temátiques tan variaes como la escritura, el dibuxu, el cómic o la ropa tradicional.

Tolos díes, dende les 12:00 hores y durante les 24 hores siguientes, va ser posible participar nestes actividaes dende enllaces publicaos na web de la Estaya de la llingua (www.llinguaviles.com) y del Conceyu d’Avilés, amás d’en redes sociales municipales.

Esti ye’l calendariu d’actividaes del ciclu La reciella en casa: “La cuarentena presta”:

Llunes 6 

  • Cuentacuentos La cuyarapa Martina, con Ana Morán.

Martes 7

  • Cuentacuentos La neña con ales, con Borja Roces

Miércoles 8 

  • Taller Faciendo un llibru, dibuxamos y escribimos, con Susana Sela

Xueves 9

  • Cuentacuentos Risines, con Ana Morán

Vienres 10

  • Taller de cómic, con Ruma Barbero

Sábadu 11

  • Mini conciertu, con David Varela

Domingu 12

  • Taller de ropa tradicional, con Susana Sela

Llunes 13

  • Taller de cómic II , con Ruma Barbero
  Categories: