ConceyosSociedáTecnoloxía La Estaya de la Llingua d’Avilés programa un ciclu d’actividaes virtuales p’adultos by redacción asturnews 21 d'abril, 2020 written by redacción asturnews 21 d'abril, 2020 52 La Estaya de la Llingua d’Avilés programa un ciclu d’actividaes virtuales pa persones adultes, embaxo’l títulu de “Pa que nun t’aburras: Cocina, Visita y Caleyavilés” nel que s’incluin 5 cites tolos díes ente’l 20 y el 24 d’abril. Podrá entrase tolos díes a los enllaces espublizaos a les 17 hores en www.llinguaviles.com, www.aviles.es, www.avilescultura.com y redes sociales municipales. La Estaya de la Llingua del Conceyu d’Avilés programó un ciclu d’actividaes entituláu “Pa que nun t’aburras: Cocina, Visita y Caleyavilés”, empobináu al publicu adultu, que se va facer pente los díes 20 y 24 d’abril. Enti esti llistáu d’eventos tán dos talleres de cocina vegana, una esposición virtual con ilustraciones de Miguel Solís que ficiere pa les Xuntes d’Escolines y Escolinos y tres visites guiaes virtuales a sitios que, n’otros momentos , protagonizaron l’actividá presencial del ciclu CaleyAvilés, como’l parque Ferrera, l’edificiu de La Noria, el barriu de Sabugo, el parque del Muelle o la ría d’Avilés. Tolos díes, dende les 17 hores y nes 24 hores siguientes, podrá entrase a estes actividaes nos enllaces espublizaos na páxina web de la Estaya de la Llingua (www.llinguaviles.com), del Conceyu d’Avilés (www.aviles.es) y na revista dixital de la Fundación Municipal de Cultura (www.aviles.com), tamién nes redes sociales municipales. La entrada ye de baldre y nun ye necesario apuntase enantes. Esti ye’l calendariu d’actividaes del ciclu “Pa que nun t’aburras: Cocina, Visita y Caleyavilés”: Llunes 20 Dos talleres de cocina vegana, con Susana Sela Martes 21 Visita guiada al edificiu de La Noria Miércoles 22 Visita guiada al parque Ferrera Xueves 23 Visita guiada al barriu de Sabugo, al parque del Muelle y a la Ría d’Avilés Vienres 24 Esposición virtual de la cartelería fecha pol ilustrador, escritor y académicu de la Llingua Asturiana Miguel Solís Santos pa diferentes ediciones de Les Xuntes d’Escolines y Escolinos 0 FacebookTwitterPinterestEmail Anterior Xixón va acoyer en mayu’l 45 Coloquiu Internacional sobro la Edá del Fierro siguiente Celaá nun contempla aplazar la Selectividá hasta setiembre Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU