ConceyosSociedá La Estaya celebra’l Día de les Lletres Asturianes con vidios conmemorativos by redacción asturnews 14 de mayu, 2020 written by redacción asturnews 14 de mayu, 2020 44 La Estaya de la Llingua d’Avilés tien preparada la so actividá pal mes de mayu y el llunes 18 sumaráse al Día de los Museos con una visita virtual al Muséu de la Historia Urbana d’Avilés y el 22 celebrará’l Día de la Diversidá Biolóxica con otra visita virtual al Cañón d’Avilés o Caladeru de Carrandi. Los vídios emitiránse a les 17 hores y van tar disponibles pa poder velos na web de la Estaya de la Llingua, la revista dixital de la Fundación Municipal de Cultura, les redes sociales del Conceyu y la plataforma dixital PlayPresta. La Estaya de la Llingua del Conceyu d’Avilés sigue adautando la so programación a les circunstancies derivaes de la crisis sanitaria. En mayu va xunise, de forma virtual, a tres festexos, emitiendo pa caún d’ellos un vidiu qu va poder vese dende les 17:00 hores del día señaláu dende la web de la Estaya de la Llingua (http://llinguaviles.com/), la revista dixital de la Fundación Municipal de Cultura (http://www.avilescultura.com/), les redes sociales del Conceyu y la plataforma dixital PlayPresta. La primera d’elles ye’l Día de Les Lletres Asturianes que se celebró’l 8 de mayu, y que n’Avilés festéxase toles años coles Xuntes d’Escolines y Escolinos. como esti cursu l’actu nun se pudo r facer, a les 17 hores emitiose un vidiu de los 16 años de les Xuntes. La Estaya de la Llingua, poles circunstancies d’organización nun puede aplazar l’actu que siempre prepara pa esta fecha tan señalada, les Xuntes d’Escolines y Escolinos y, como tampoco puede facese agora presencial, decide nesti día 8 de mayu nel que taben previstos los actos d’homenaxe a la Llingua Asturiana, asoleyar un vidiu conmemorativu de los 16 años que se vienen faciendo de les Xuntes, pa nun dexar esti añu, que cumpliríen los sos 17 años, como un añu ermu pa elles. El día 18, Día de los Museos, podrá participase nuna visita virtual n’asturianu al Muséu de la Historia Urbana d’Avilés (MHUA). Un actividá qu’otros años yera presencial. Pa terminar, el día 22, Día de la Diversidá Biolóxica, habrá una visita virtual al Cañón d’Avilés o Caladeru de Carrandi, cola intervención del biólogu Miguel Solís y la bióloga Deva Blanco. 0 FacebookTwitterPinterestEmail Anterior Los xigantes tecnolóxicos tornen la crisis de la COVID-19 siguiente Avilés xúnese a #LaMejorLección pa cavilgar lo qu’aprendimos d’esta crisis Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU