La esposición ‘Voces’ prorrógase hasta’l 23 d´avientu

La esposición Voces. La llingua n’Asturies al traviés de los sieglos, que supera yá los 4.000 visitantes, prorrogase hasta’l 23 d’avientu Ye la segunda vegada que la Conseyería d’Educación enllarga l’amuesa, que puede vese nel Muséu Arqueolóxicu d’Asturies.

La Conseyería d’Educación decidió prorrogar hasta’l 23 d’avientu la esposición Voces. La llingua n’Asturies al traviés de los sieglos, pola que pasaron yá más de 4.000 persones. L’ésitu de públicu y l’interés de numberosos centros educativos pola amuesa, que s’espón nel Muséu Arqueolóxicu, llevó al Principáu a enllargar per segunda vegada’l tiempu mientres el que va poder visitase y a programar nuevos percorríos empuestos.

En concretu, van realizase cuatro visites d’ámbitu escolar y otros trés pal públicu en xeneral. Nesti últimu casu, van ser los sábados 24 de payares y 1 y 15 d’avientu, y les persones interesaes van poder inscribise al traviés del teléfonu 985106741 o nel corréu splnormalizacionARROBAasturias.org.

La relación del asturianu coles llingües indoeuropéa y románica, l’apaición de los primeros documentos nos que se menta l’asturianu como llingua oral tradicional, los primeros documentos n’asturianu, el desenvolvimientu de la so lliteratura, la minorización o los movimientos sociales para la so recuperación y revitalización tienen cabida nos materiales d’esta esposición, na que s’otorgó gran importancia a los elementos gráficu y audiovisual.

Na amuesa pueden contemplase, amás, delles pieces lliteraries y arqueolóxiques singulares, vencíes por coleccionistes y pol mesmu Muséu Arqueolóxicu d’Asturies, see de la esposición.