La esposición sobre’l Chao San Martín ufierta visites guiaes a dellos castros occidentales

02 agostu 03:05 2005 Imprimir

La esposición entamada nel Parque Arqueolóxicu de la Campa Torres de Xixón sobre afayos de cerámica atopaos nes escavaciones del castro de Chao San Martín ufierta ente les sos actividaes delles visites guiaes a castros del occidente d’Asturies.

El xueves 11 d’agostu ye la prósima salida programada pol Parque Arqueolóxicu con destín al mesmu castro de Chao San Martín y al de Coaña, amás d’una visita al Muséu Etnográficu de Grandas de Salime.

L’amuesa abierta na Campa Torres espón diversos materiales afayaos nel xacimientu castreñu como cerámiques, adornos metálicos, restos d’armas y aperios, vidrios, monedes, resaltando les más d’ochenta pieces de “Terra sigilatta” rescataes nes escavaciones. El Chao San Martín ye un de los castros más bayurosos d’Asturies en material arqueolóxicu. Nesta esposición tenta ufiertase una parte de los afayos recuperaos nel xacimientu. L’amuesa puede visitase hasta’l 30 d’ochobre.

  Categories:
Loading Facebook Comments ...