Portada Música La esposición sobre los 125 años de la Banda de Música d’Avilés va percorrer 15 colexos

La esposición sobre los 125 años de la Banda de Música d’Avilés va percorrer 15 colexos

by redacción asturnews

Esti martes 17 de xineru, a les 12:30 hores, la conceyala de Cultura, Yolanda Alonso, inaugura nel Colexu Públicu d’El Quirinal la esposición itinerante “Banda de Música d’Avilés. 125 Aniversariu”. Nel actu tamién van participar Julia Fernández Peña, directora d’esti centru educativu, y Daniel Santos Pérez, director de la Banda de Música d’Avilés.

L’amuesa, que yá tuvo nel Muséu de la Hestoria Urbana d’Avilés, ye una versión afecha al ámbitu escolar y ta formada por ocho paneles. Nellos descríbese la hestoria de la Banda de Música dende la so creación hasta l’actualidá. La iniciativa sigue les granibles esperiencies d’otres esposiciones entamaes pol Muséu de la Hestoria Urbana d’Avilés p’averar la nuesa hestoria y patrimoniu a la mocedá y tuvo una gran acoyida nel ámbitu escolar.

Asina, tien acutaes toles feches hasta la finalización del presente curso escolar 2016/17. En total va pasar por quince colexos ya institutos, sumando más de 8.000 alumnos y alumnes que van contemplar l’amuesa y, como novedá, ver actuar a la Banda de Música. Enagora, va permanecer dende’l 16 al 21 de xineru nel Colexu Públicu d’El Quirinal y, de siguío, nel de Versalles.

Ver Itinerancia de la esposición

Tamién te podria gustar