La esposición ‘David Bowie is’ va venir a Barcelona na primavera

21 setiembre 09:04 2016 Imprimir

La esposición David Bowie is, que desque foi inaugurada en Londres yá recibió más d’un millón de visitantes, podrá vese nel Muséu del Diseñu de Barcelona la primavera de 2017.

L’amuesa, una producción del Victoria and Albert Museum de Londres, recala agora nel Muséu d’Arte Moderno de Bolonia (Italia) y va viaxar a Tokio antes de llegar a la capital catalana, la última ciudá europea n’acoyela antes del so treslláu a Nueva York.

La esposición ye la “retrospectiva definitiva” sobre’l polifacéticu y apocayá fináu artista británicu, que s’arreyara personalmente nel proyectu. El públicu puede conocer gracies a esta iniciativa más de 300 oxetos, ente los que s’atopen lletres manuscrites, vestuariu orixinal, fotografíes, películes, vídeos musicales, moda, diseños d’escenarios y los preseos personales de Bowie.

“La dimensión pulridisciplinar y siempres innovadora del trabayu de Bowie entronca col apueste del muséu por amosar y esquizar les conexones ente l’arte y el diseñu, especialmente nel terrén del diseñu gráficu y la moda”, remarcó l’institutu municipal nuna nota de prensa.

  Categories: