Portada Plástiques ‘La esplotación, daqué más qu’un xuegu’, a alderique nel Muséu del Ferrocarril

‘La esplotación, daqué más qu’un xuegu’, a alderique nel Muséu del Ferrocarril

by redacción asturnews
Foto: Manuel (https://www.flickr.com/photos/martius/)

‘La esplotación, daqué más qu’un xuegu’, ye l’alderique que va desenvolvese nel Muséu del Ferrocarril d’Asturies esti xueves 21 de xunu a les 19 hores, de la man d’Antonio G Portes, que fora mientres 23 años el Director de Maquetren.

El tráficu ferroviariu tien como finalidá tresportar viaxeros y mercancíes d’un puntu a otru y para xestionalo constrúyese la infraestructura, dotar de material y entámase la Esplotación acordies con les necesidaes y los reglamentos. En miniatura, tamién puede entamase la Esplotación, el xuegu, d’una maqueta sía pequena, grande o mediana, basándose no qu’asocede na realidá.

Na conferencia, Antonio G Portes, que fora mientres 23 años el Director de Maquetren, va describinos los pasos que siguió para llevar a cabu la Esplotación na so estación Almagre-Apartaderu. Realidá y miniatura danse la mano cuando’l “ver pasar trenes” nuna maqueta conviértese en daqué más qu’un xuegu al utilizar criterios basaos na Esplotación d’un ferrocarril.

Tamién te podria gustar