La espedición asturiana salía pa Lorient

La espedición asturiana pa Lorient salía ayeri dende Villaviciosa, nun autobús cola Banda de Gaites de la Villa, y al mesmu tiempu con otru dende Uviéu onde diben los gaiteros que tienen de participar esti sábadu nel Troféu McCrimmon y los miembros de Xuno, col más mozu del grupu, Esteban al cuello de so má. La espedición aportó al meudía del vienres a la Bretaña y entamó ya pela tardi dellos ensayos pala vraera xornada primera de la delegación astur que sedrá’l sábadu cola celebración del Troféu McCrimmon y la participación de los de la Villa y Xuno na primer Nueche Máxica del festival.