La Escuela de Cerámica d’Avilés ufierta nuevos cursos para adultos

Para’l nuevu cursu 2022-2023, la Escuela Municipal de Cerámica d’Avilés  ufierta cinco nueves propuestes formatives nel ámbitu de la cerámica, destinaes al públicu adultu, tantu a aquelles persones que nun cunten con conocencies previes, como a quien quieran afondar nesta disciplina de l’artesanía, ya interésense nel perfeccionamiento y l’investigación, y en desenvolver el so proyectu personal de forma profesional.

Son los siguientes cursos:

• Iniciación: técniques de mesa, tornu y decoración cerámica.
• Perfeccionamiento.
• Escultura y moldes: pastes coloriaes
• Proyectu personal
• Pictóricu con sigilatas.

La matrícula tendrá de realizase de forma presencial na Factoría Cultural d’Avilés. El plazu para l’alumnáu inscritu nel cursu 2021-2022, empieza’l miércoles 7 de setiembre y remata el vienres 23 del mesmu mes. Nel casu del nuevu alumnáu, va ser del 15 al 23 de setiembre.

L’horariu de matrícula ye de llunes a vienres de 9.00 a 14.00 hores, y los miércoles tamién de 17.00 a 19.00 hores; sacante festivos.

L’importe de la matrícula ye de 60 euros, y el de caúna de les mensualidaes, de 31 euros. Nel casu del cursu de Pictóricu con sigilatas, el costu de matriculación va ser de 19 euros, y van debese abonar dos mensualidaes de 31 euros caúna.

La cita previa pa llevar a cabu la matriculación tendrá de solicitase al traviés de la páxina web municipal, na dirección https://aviles.es/citaprevia.

Pela so parte, l’alumnáu de Proyectu Personal tendrá de presentar del 7 al 14 de setiembre’l proyectu pol qu’opten a una plaza. El 19 de setiembre publicará la llista de persones escoyíes, que tendrán de formalizar la matrícula del 20 al 27 del mesmu mes.

Más información