Una escena de ‘Vengadores: Infinity War’ foi esaniciada por cruel

28 agostu 08:51 2018 Imprimir

Una escena de ‘Vengadores: Infinity War’ que podría formar parte de la trama, a la fin foi esaniciada por ser considerada abondo cruel.

Según informa SlashFilm, l’equipu encargáu de los efectos visuales desveló que les imaxes nel planeta Vormir, llugar onde s’atopaba La Xema de l’Alma, diba ser dafechu distinta. La idea inicial yera amosar a Thanos (Josh Brolin) caminando nun ríu de sangre como metáfora de les sos futures víctimes tres el chasquíu. Nel so llugar tenemos la imaxe del Titan Llocu y a Gamora (Zoe Saldana) de pequeña.

Precisamente nesti vídeu esplicativu podemos ver cómo foi’l procesu creativu de Thanos y echar una güeyada a cómo diba ser dicha escena que Marvel prefirió caltener al marxe.

Vamos Tener qu’esperar al estrenu de Vengadores 4 el próximu mes de mayu pa saber qué foi de toos aquellos superhéroes que sumieron de la nuesa vista. El filme va poner puntu y final a la Fase 3 de Marvel y Spider-Man: Llueñe de casa va dar empiezu a la nueva Fase 4, de la qu’entá desconocemos más detalles.

  Categories: