La Ería acueye per primer vegada la Startup Europe Week

La Ería acueye per primer vegada la Startup Europe Week
05 marzu 15:37 2018 Imprimir

La Startup Europe Week, que se celebra de forma simultánea en más de 200 ciudaes europees, va desenvolvese esti llunes 5 de marzu pela tarde  en La Ería y tien como oxetivu sofitar al empresariu y a les startups amás de dar a conocer proyectos tecnolóxicos de la rexón.

Uviéu va convertise güei por primer vegada en see del Startup Europe Week, una iniciativa que se celebra de forma simultánea en más de 200 ciudaes europees, que’l so fin ye sofitar al empresariu y a les startups amás de dar a conocer proyectos tecnolóxicos de la rexón.  La cita va ser esti llunes, 5 de marzu, de 16 a 20 hores, nel Espaciu de Coworking de  de la Ería, resaltando la importancia de que les alministraciones sofiten esti tipu d’eventos para asegurar el futuru d’Asturies. ”

L’eventu entamáu por Ástur Valley en collaboración col Conceyu d’Uviéu, al traviés d’Uviéu Entama, va cuntar cola participación de José Luis Vilar, fundador de Caravelo, la startup ganadora del premiu a la innovación de la última edición del Soutbh Summit. Na so intervención va falar de la evolución de la entidá, de desenvolvimientu de productos dixitales ya innovación.  Amás, nesta xornada quíxose otorgar especial protagonismu al trabayu en remotu, “una de les oportunidaes más grandes que tien Asturies nel sector tecnolóxicu y qu’ayudaría a frenar la cayida de la población”.  Para falar d’esta tema va tener llugar una mesa redonda que va cuntar con representantes de les empreses Igalia, Codesai, Nextail y BPM, que van cuntar cómo favorecen el trabayu en remotu: dende les ferramientes qu’usen hasta los fluxos de trabayu. La xornada tamién va cuntar cola presentación del Proyectu Legends col que los alumnos del IES David Vázquez Martínez, de La Pola Llaviana, ganaron  el Premiu Nacional “eTwinning 2017″ del Ministeriu d’Educación.

Cualquier persona interesada n’allegar a esta cita tien más información equí.

  Categories: