La EBAU estraordinaria pue retrasase y va tener en cuenta la escepcionalidá del momentu

El Ministeriu vieno acabante publicar una orde que regula la prueba EBAU d’esti cursu marcáu pol escenariu de la pandemia del coronavirus, “coles mires de garantizar la equidad nel accesu a la universidá para tol alumnáu, con independencia de les circunstancies nes qu’esti pudiera tener accesu a la enseñanza y l’aprendizaxe nel últimu trimestre del cursu, y considerando que nun se pudo desenvolver afechiscamente una parte del currículu de la materia”.

D’esta forma, especifica que va haber, como hasta agora, una prueba por caúna de les materies que son oxetu d’evaluación, y en caúna d’elles «l’alumnáu va disponer d’una única propuesta d’exame con delles entrugues». Los estudiantes van respuender, «a la so elección, un númberu d’entrugues determináu primeramente pol órganu competente en cada Comunidá.. El númberu d’entrugues afitaríase de forma que dexe a tolos alumnos algamar la máxima puntuación na prueba, con independencia de les circunstancies nes qu’esti pudiera tener accesu a la enseñanza y l’aprendizaxe mientres la suspensión de l’actividá lectiva presencial». Sía que non, toles entrugues tienen de ser «susceptibles de ser escoyíes». Esto ye, concrétase d’esta forma la idea qu’espresara la ministra d’Educación, Isabel Celáa, de que la EBAU tendría esta vegada una mayor «opcionalidad».

Nun se modificará la duración de cada prueba, que sigue afitada en 90 minutos, con un descansu ente pruebes consecutives d’un mínimu de 30 minutos. Tocantes a les xornaes que tien de durar la EBAU, hasta agora afitar un máximu de cuatro díes (xuno más pa les comunidaes ocn llingua cooficial«. Sicasí, agora establezse que la duración va ser »preferentemente de cuatro díes«.

En cuanto al conteníu de les pruebes, añedir una considerancia: «En caúna de les pruebes va procurase considerar siquier un elementu curricular de cada unu de los bloques de conteníu, agrupaciones d’estos, que figuren na matriz d’especificaciones de la materia correspondiente». Caltiense la obligación de que siquier el 70% de la calificación de cada prueba tenga de llograse de la evaluación de los estándares d’aprendizaxe fitos pol estáu y el 30% de los establecíos poles comunidaes«.