La discriminación del asturianu aporta al Parlamentu Européu otra vuelta

La discriminación del asturianu aporta al Parlamentu Européu otra vuelta
13 ochobre 19:20 2015 Imprimir

El vicepresidente d’European Language Equality Network tuvo falando de la situación de les llingües penínsulares nel Parllamentu Européu.

El vicepresidente d’esta organización a que pertenez Iniciativa pol Asturianu​ faló nel Intergroup for Traditional Minorities, National Communities and Languages (Intergrupu poles minories tradicionales, comunidaes nacionales y llingües), del Parllamentu Européu.

Ferran Suay​ esplicó la situación de discriminación de la llingua asturiana dientro d’un conceyu organizáu por esti Intergrupu esti xueves 8, recordando les situaciones de discriminación llingüística que se viven los falantes d’asturianu nel so día a día.

L’intergrupu ye un equipu formáu por diputaos de diferente partíos europeos que s’axunten pa trabayar pol futuru de les minories culturales y llingüístiques. Nesta llexislatura, una eurodiputada asturiana, Estefanía Torres, de Podemos, que tamién intervieno defendiendo la necesidá de camudar la situación de la llingua asturiana.

Loading Facebook Comments ...