La Defensora del Pueblu quier radiografiar los colexos españoles

La Defensora del Pueblu quier radiografiar los colexos españoles
16 18:51 2016 Imprimir

La oficina de la Defensora del Pueblu quier saber cuál ye’l grau de prestu de los padres y de les madres colos colexos de los sos pequeños nun entamu escolar convulsu, cola incógnita de si les reválides de la Lomce (inclusive’l desenvolvimientu de la mesma llei) va realizase nesti añu.

Pa radiografiar los centros educatives, la oficina de Soledá Becerril asitió una encuesta na so web onde entruga por delles cuestiones, como le instalaciones de los centros, los sofitos p’alumnos con necesidaes especiales, el llogru de places nel centru escoyíu, la concesión de beques, los programes de préstamu o reutilización de llibros de testu, y los servicios de comedor y tresporte.

Amás, la institución amosó interés pola supervisión que reciben los alumnos o les relaciones de madres y padres con profesores pa conocer la evolución de los alumnos. Tamién consulta sobre la carga de deberes de los estudiantes, xusto cuando la Confederación Española d’Asociaciones de Padres y Madres d’Alumnos, la organización mayoritaria nos centros públicos, pidió a los padres que los sos fíos nun faigan deberes les fines de selmana ante l’escesu de xeres escolares. Otru de los puntos de consulta ye la convivencia nes aules.

Participar na encuesta

  Categories: