Portada Sociedá La Curtidora aprueba midíes de sofitu a l’actividá empresarial

La Curtidora aprueba midíes de sofitu a l’actividá empresarial

by redacción asturnews

La Curtidora aprueba midíes de sofitu a l’actividá empresarial pa desaniciar l’efectu del COVID-19. Bonifica’l 100% tantu de les mensualidaes a les empreses instalaes na oficines, naves y espaciu Coworking del Centru, como del canon a l’axudicataria del serviciu de cafetería comedor.

Tamién va aplazase0’l pagu de les cuotes de los préstamos participativos vixentes mientres trés meses. Les Cuentes Añales de 2019 refundien un beneficiu de 47.863 euros y una medría nel númberu de nueves empreses de 21, algamando les 127

Axuntáu al traviés de videoconferencia y presidíu pola alcaldesa d’Avilés, Mariví Monteserín, el Conseyu d’Alministración de la Sociedá de Desenvolvimientu La Curtidora alcordó esta selmana una serie de midíes coles mires de desaniciar l’impactu económicu que la declaración del Estáu d’Alarma ta teniendo sobro les empreses coles que caltien una vinculación.

Concretamente, alcordáronse les siguientes midíes:

Bonificación del 100% del arrendamientu correspondiente al mes d’abril a les empreses instalaes n’oficines y naves del Centru d’Empreses La Curtidora.
Bonificación del 100% de la mensualidá correspondiente al mes d’abril a les empreses instalaes na zona de Coworking.
Bonificación del 100% del canon correspondiente al mes d’abril a l’axudicataria del serviciu de Cafetería Comedor del Centru d’Empreses La Curtidora.
Aplazamientu del pagu de les cuites de los préstamos participativos vixentes, mientres trés meses.

Al traviés d’estes midíes, la Sociedá de Desenvolvimientu La Curtidora pretende compensar los efectos de les importantes llimitaciones temporales impuestes a la llibre circulación, traducíes nuna perturbación conxunta de demanda y ufierta pa la economía que va afectar a les vientes de les empreses y va xenerar tensiones de lliquidez, lo que de la mesma podría derivar en problemes de solvencia y perda d’empleos.

El Conseyu d’Alministración de la Sociedá de Desenvolvimientu La Curtidora informó tamién d’otres midíes que podríen ampliar les adoptaes y qu’una vegada sían concretaes van ser encetaes na siguiente xunta d’esti órganu. Son les siguientes:

  • Moratoria nel pagu del arriendu de mayu y xunu, cola posibilidá de prorrateo posterior.
  • Ampliación del periodu d’estancia pa les empreses que tean obligaes a abandonar La Curtidora anguaño.
  • Propuesta d’adaptación de los Préstamos de La Curtidora a les necesidaes de les empreses y negocios locales a partir del llevantamientu del Estáu d’Alarma, coles mires de minorar l’impactu d’esta crisis

Tamién te podria gustar