Portada Sociedá La Cultural Xixonesa aldericó alredor de la falta de llibertaes y al represión n’Asturies

La Cultural Xixonesa aldericó alredor de la falta de llibertaes y al represión n’Asturies

by asturnet

El xueves pasáu, 18 d’abril celebróse nel llocal de la Sociedá Cultural Xixonesa un coloquiu nel que participaron como ponentes Cándido González Carnero, María Jesús Suárez García, Miguel Ángel Llana y Javier Cubero de Vicente. A lo llargo del actu analizóse’l contestu de la nacencia de la Plataforma pola Llibertá y contra la represión, marcáu pol conflictu de Naval Xixón, y repasáronse dellos de los casos represivos que se denunciaron: Cándido y Morala, los 35 antifacistes de Cangues d’Onís o los 5 militantes del PCPE que según los presentes na mesa “fueron secuestraos y treslladaos a l’Audiencia Nacional en Madrid”.

Tamién foi esplicada la recién desactivación de la Plataforma pola falta d’implicación y compromisu de les diferentes organizaciones. Igualmente llamentóse la dinámica de fragmentación cainita que vive permanentemente la izquierda alternativa y reivindicóse la necesidá d’un marcu d’integración xunitaria qu’agrupase a sindicatos de clase, partíos políticos, ateneos culturales y colectivos sociales.

Tamién te podria gustar