Portada Sociedá La cultura recibe la desescalada con munches duldes

La cultura recibe la desescalada con munches duldes

by redacción asturnews
Foto: jlmaral (https://www.flickr.com/photos/jlmaral/)

Queden munches duldes pero’l desconfinamiento empieza a abrir camín pal mundu cultural, porque’l 4 de mayu van poder abrir yá les llibreríes y arquivos y adulces, con un calendariu entá inciertu. Cines, teatros y auditorios van reabrir nes próximes selmanes, pero l’obligáu amenorgamientu de los sos aforos pon a prueba la so viabilidá económica.

Na fase O, qu’empieza’l 4 de mayu, van abrir les llibreríes (en cuantes que comerciu minorista) y los arquivos.

Na fase 1 (qu’a lo menos va empezar 15 díes más tarde) l’apertura va ser pa biblioteques, solo para préstamos, y museos, con llimitación del aforu a un terciu. Podrán realizase actos y espectáculos en sales con menos de 30 persones y un terciu del aforu y actos y espectáculos al campu con menos de 200 persones, sentaos y calteniendo la distancia de seguridá. Y podrán volver a entamar los rodaxes de películes y series.

Na fase 2, les biblioteques podrán abrir a la llectura con llimitación d’aforu. Los cines y teatros van reabrir con butaques preasignadas y l’aforu llindáu a un terciu. Los monumentos, equipamientos culturales y sales de conferencies y multiusos van poder abrir con un terciu del aforu. Los espectáculos van poder faese con un máximu de 50 persones y un terciu del aforu, y si son al campu con un máximu de 400 persones y calteniendo la distancia.

La fase 3 va dexar a les actividaes con aforu llindáu amplialo a la metá. Les sales d’artes escéniques y musicales van poder reabrir con un terciu del so aforu. Van Poder faese actos y espectáculos en sales, con menos de 80 persones y la metá del aforu, y al campu (incluyendo actividaes en parques d’ociu y temáticos), con menos de 800 persones y metá del aforu, sentaes y calteniendo distancia de seguridá. Tamién les places y cortiles taurines van poder abrir con una entrada d’espectadores d’una persona por cada 9 metros cuadraos.
Les reacciones

Les reacciones nun se fixeron esperar. Isabel Vidal, presidenta de Adetca (Associació d’Empreses de Teatre de Catalunya), asegura que cualquier decisión de retomar l’actividá ye bien positiva y que l’anunciu foi una sorpresa. Inclusive los tiempos paécen-yos correctu. Pero recuerda que pal sector teatral priváu abrir a un terciu de la capacidá nun ye vidable.  Tamién reparen incongruencies como que na segunda fase puedan abrir les ilesies al 50% y los teatros a un terciu. O que 35 neños puedan volver a una aula de siete per cuatro onde van tar más atarraquitaos que nun teatru. “Veamos si ye posible abrir con un 50% el primer mes, un 60% el segundu, un 100% el terceru… Sía que non, lo anunciao ye una bona noticia, porque quier dicir que la situación ta superándose”.

Tamién te podria gustar