Portada Patrimoniu La Cuatriada atropa la cai na Villa

La Cuatriada atropa la cai na Villa

by redacción asturnews
Xente xugando a la Cuatriada na Plaza del Güevu en Villaviciosa

Esti vienres, a les 18 hores, la Plaza del Güevu de la Villa, nel conceyu maliayu, va tener a la Cuatriada como protagonista. Va celebrase la Final del Tornéu de Bolos na Cai, depués de qu’ayeri tuviere llugar la final femenina y depués de que la selmana pasada les cais de Ribesella foron tamién protagonistes del so Campeonatu de Bolos y memorial “Pedro Corteguera Roza”.

Ayeri xueves, a les 7 la tarde tuvo llugar nesa mesma Plaza del Güevu la Final del Campeonatu d’Asturies Femeninu de Peñes 2015 y güei, dende les 18 hores va ser la Final del Tornéu Bolos na Cai, XIII Campeonatu Villaviciosa Capital de la Mazana de España, qu’organiza la Federación en collaboración col Ayuntamientu maliayu.

Depués de que la selmana pasada fore la Plaza Nueva de Ribesella la protagonista d’esti enfotu d ela Federación de Bolos por llevar esti perguapu y tradicional deporte a les cais d’Asturies pa poer averalu a les nueves xeneraciones, agora toca-y turnu a la Villa más nomada d’Asturies con esta nueva xornada que ya amosó ayeri l’interés de la xente que visita la Villa.

 

Tamién te podria gustar