La cuarta edición de la Primer Sidre l’Añu va celebrase del 28 al 31 de marzu

Del 28 al 31 de marzu por namás 5 € podrá esfrutase de tola sidra que se quiera na cuarta edición de la Primer Sidre l‘Añu, que va celebrase, como ye vezu, nel Muséu del Pueblu d’Asturies de Xixón. Esti eventu añal col qu’entama la temporada sidrera de forma tradicional inclúi una espicha que dura cuatro díes.

Nesta cuarta edición los organizadores cometen tar arguyosos de “tornar a ufrir, n’esclusiva, la oportunidá de prebar la primer sidre de la collecha 2012, proveniente de los toneles de los más de los llagares asturianos ‘industriales’ n’activu”.

Amás, nesos díes va celebrase’l décimu Sidracrucis, qu’entamará con una Procesión Sidrera tres un tonel de Sidra El Duque pel Barriu la Sidra (El Saúco, El Llabiegu, Boal de Roncal, Parrilla Antonio I, La Esquina, La Pumarada y Casa César ) primer espicha na Primer Sidre l’Añu, y de chigre en chigre per El Llavianu, Casa Javi-El Alleranu, Zapico y Llagar el Mancu pa finar con espicha nel Llagar Castañón.