Portada Lliteratura La Cruz de Grau convoca’l I Premiu de Narrativa “Concepción García Armiñán”

La Cruz de Grau convoca’l I Premiu de Narrativa “Concepción García Armiñán”

by asturnet

La editorial La Cruz de Grau, a comuña cola Casa Cultura de Grau y la Biblioteca Municipal “Valentín Andrés Álvarez”, convoca un concursu de narrativa pa noveles escrites n’asturianu o en castellán con tema llibre y una estensión d’ente 100 y 150 fueyes. El plazu d’almisión termina’l 30 d’ochobre y el premiu ta dotáu con 600 euros.

Los testos han presentase por cuadruplicáu a cai Cerro de La Muralla, s/n 33820 Grau o per corréu lletrónicu a edlacruzdegrado@yahoo.es

La entrega del premiu va celebrase na primer selmana de xinero de 2010 dientro del II Salón del Llibru Asturianu de Grau, organizáu pola conceyalía de cultura del conceyu y el Gremiu d’Editores d’Asturies. Ediciones La Cruz de Grau va espublizar la primer edición de la obra.

El premiu ta dedicáu a la escritora ñacida en Robléu nel conceyu de Grau en 1895. De formación autodidacta, alquirida nos frecuentes viaxes realizaos al estranxeru, qu’espertaron n’ella la vocación d’escritora. Amás de numeroses collaboraciones en revistes estatales ya hispanoamericanas, ye autora d’una zarzuela de costumes asturianes en dos actos y cinco cuadros, en prosa y versu, titulada “El amigo traicionado”, Madrid (1929).

Bases completes del premiu

Tamién te podria gustar