Educación La CRUE celebra’l primer salón virtual UNIferia dedicada a los estudios de Máster by redacción asturnews 25 de marzu, 2020 written by redacción asturnews 25 de marzu, 2020 37 Crue Universidaes Españoles celebra la primer edición del salón virtual UNIferia dedicada a los estudios de Máster oficiales de les universidaes españoles, del 23 al 27 de marzu. D’esta forma, Crue repite’l formatu de feria online dedicada a los Graos, que la so segunda edición celebrar con ésitu’l pasáu mes de febreru. Esta plataforma ufierta tola información relativa a la ufierta académica de 54 universidaes españoles. Asina, al traviés de una web, les universidaes dan a conocer de manera personalizada sos propuestes de titulaciones d’estudios de Máster, los distintos sistemes d’accesu, posibilidaes de internacionalización, precios, los pasos a siguir pa realizar la matrícula ya inclusive información sobro agospiamientu. Esta fórmula de feria universitaria dexa qu’a cualquier persona «pasie» polos distintos stands de les universidaes ensin salir de casa. Nun hai llendes xeográfiques nin temporales. Amás, fai posible al estudiantáu interactuar colos servicios d’información y orientación de les instituciones participantes, al traviés de canales de chat que son accesibles tamién pa persones con dalguna discapacidá sensorial. UNIferia Máster ye una plataforma curiosa y en formatu responsive que s’afaya a los dispositivos móviles. Nel puntu d’información principal, los usuarios atopen datos xenerales sobro’l Sistema Universitariu Español, según un buscador p’alcontrar títulos de les universidaes participantes na feria. Conocer la ufierta de másteres oficiales, les opciones de beques o de internacionalización pueden ser factores decisivos pal futuru profesional de los mozos. Por esta razón, el Grupu de Trabayu de los Servicios d’Información y Orientación Universitaria (SIOU) punxo en marcha esti primer salón virtual de Máster, qu’ameyora les canales de comunicación y garantiza la igualdá d’oportunidaes ensin les llimitaciones que tienen les tradicionales feries d’Educación Cimera. 0 FacebookTwitterPinterestEmail Anterior Los científicos desvelen los misterios del “cantar de gargüelu” de Mongolia siguiente L’Academia de Cine Asturianu ufierta películes pa pasar la cuarentena Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...