La Crónica de Piloña estrena collaboración n’asturianu

07 mayu 10:04 2012 Imprimir

Los llectores del periódicu La Crónica de Piloña alcuentren, dende’l pasáu mes d’abril, un espaciu reserváu pa la llingua asturiana. Trátase de “El llavaderu”, una columna d’opinión roblada por Daniel Cueli Canto na que l’autor piloñés analiza con una güeyada crítica l’actualidá del conceyu. La Crónica de Piloña súmase asina a otres publicaciones en castellán qu’acuten un espaciu pa la nuestra llingua. Hasta agora, la presencia del asturianu nel periódicu reducíase namás qu’a la tira cómica “Había una vez… una viesca”, fecha por Enrique Carballeira. La Crónica de Piloña ye una publicación mensual de dolce páxines editada en L’Infiestu dende l’añu 2004 y qu’esti mes de mayu llegará a los 100 númberos espublizaos.

  Categories:
Loading Facebook Comments ...