La Coordinadora Ecoloxista denuncia la contaminación de tola estaya central d’Asturies

12 setiembre 04:47 2013 Imprimir

La Coordinadora Ecoloxista denuncia qu’una vegada más el Principáu d’Asturies despinta la realidá de la contaminación atmosférica de la zona central asturiana coles sos declaraciones, cuando embrive los malos datos de la contaminación que carecemos nesta zona, que nos fai posesores del tituuo de la única zona d’España que supera l’estragal de protección de la salú en partícules qu’esta afitáu nuna media añal de de 40 µg/m3.

Esti titulu qu’ostentamos nos últimos años ye d’alcuerdu a los datos oficiales, por más que’l Principáu intente negalo, porque’l Ministeriu fai eses comparancies colos datos que-y facilita’l mesmu Principáu.

P’afondar na gravedá del problema que la Coordinadora Ecoloxista vien años denunciáu, da detalles de les superaciones del últimu añu completu lo que demuestra que’l Principáu falsia la realidá del aire, que supon un grave problema de salú pa toos. La contaminación en partícules PM10 ta acomuñada a l’apaición y l’agravamientu de múltiples patoloxíes. Les partícules pueden entrar nel sistema respiratoriu, llegando y adosándose nos alvéolos, torgando un intercambiu fayadizu d’osíxenu ente los pulmones y el sangre.

  Categories:
Loading Facebook Comments ...