Sociedá La convocatoria d’Ayudes a la Creación Artística d’Avilés bate’l so récord by redacción asturnews 22 de febreru, 2021 written by redacción asturnews 22 de febreru, 2021 2,4K Les Ayudes a la Creación Artística de la Factoría Cultural d’Avilés consolidaron la so capacidá d’estímulu y atracción para los proyectos culturales de vanguardia con sellu asturianu y nacional. Impulsaes pola conceyalía de Cultura, esta cuarta edición, que’l so plazu de recepción remató’l pasáu mes de xineru, batió tolos sos récords, con nada menos que 68 propuestes presentaes ente les cinco modalidaes a les que puede optase. El miércoles 24 de febreru, a les 13.00 hores, va axuntar nes instalaciones de la Factoría la Comisión de Valoración, que va decidir qué proyectos van recibir les beques, por un monto total de 16.000 euros. Siete destinaes a persones físiques o colectivos rellacionaos cola creación artística, nacíos o empadronaos n’Asturies, y xuna más, d’ámbitu nacional, na que destaca l’altu númberu de proyectos recibíos. Nel ámbitu de les Artes Plástiques, con dos ayudes, fueron 18 les solicitúes presentaes. Nel ámbitu de les Artes Escéniques, con dos ayudes, fueron 13 les solicitúes presentaes. Nel ámbitu de les Artes Gráfiques, con dos ayudes, fueron 11 les solicitúes presentaes. Nel ámbitu de les Artes Audiovisuales, con una ayuda, fueron 7 les solicitúes presentaes. Na creación artística d’ámbitu nacional, con una ayuda, fueron 19 les solicitúes presentaes. La Comisión que va valorar los proyectos, y va decidir qué ocho van recibir l’ayuda a la creación artística, va tar presidida por Yolanda Alonso, concejala de Cultura d’Avilés y presidenta de la Fundación Municipal de Cultura. Los vocales de la Comisión van ser: – Anabel Barriu, responsable de Programes Formativos y Culturales de la Fundación Municipal de Cultura y directora de la Factoría Cultural – Jorge Díaz Seijo, director del Conservatorio Municipal Profesional Julián Orbón – Anxélica García Álvarez, directora de la Galería d’Arte Amaga – Manuel Ángel Gutiérrez Carranza, profesor y fotógrafu musical La secretaria va ser Sofía Sánchez Pol, alministrativa de la Fundación Municipal de Cultura. 0 FacebookTwitterPinterestEmail Anterior Educación plantega una plantiya fixa de 9.371 funcionarios pal cursu entrante siguiente Xixón ye sede de la XXX Biañal Internacional de Cine Científicu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...