La Conseyería de Cultura tien abiertu plazu pa presentase a los premios lliterarios n’asturianu

16 xunetu 08:53 2008 Imprimir

La Conseyería de Cultura tien abiertu’l plazu pa presentase a los premios lliterarios n’asturianu qu’entama cada añu y qu’esti añu conformen les siguientes ediciones: XXIX Premiu “Xosefa Xovellanos” de novela, XIV Premiu “Xuan María Acebal” de poesía, XIV Premiu “Máximo Fuertes Acevedo” d’ensayu y I Premiu “María Josefa Canellada” de lliteratura infantil/xuvenil.

Estos premios busquen, según diz la convocatoria “afitar, arriquecer y dar prestixu a la llingua y a la cultura asturianes, amás de dinamizar l’actividá cultural n’Asturies, sobre manera na creación lliteraria”.

Tolos premios tienen una dotación de 7.000 euros, nun siendo’l «María Josefa Canellada», que ye de 3.000 euros. El plazu de los concursos acaba nes cuatro categoríes l’1 de setiembre de 2008.

Bases completes de los premios

  Categories:
Loading Facebook Comments ...