Portada Tecnoloxía La Conseyería de Cultura entama’l llunes el primer “Día de les Ciencies Asturianes”, dedicáu al matemáticu Pedrayes

La Conseyería de Cultura entama’l llunes el primer “Día de les Ciencies Asturianes”, dedicáu al matemáticu Pedrayes

by asturnet

Según anunció estos díes la Directora de Cultura y Política Llingüística Consuelo Vega esti llunes 10, Asturies va celebrar una cita que ñaz con vocación añal “pa implicar na promoción de la llingua asturiana a sectores qu’hasta agora nun tán directamente comprometíos con esi oxetivu”. L’actu coincide cola celebración que fai la Unesco del Día Internacional de la Ciencia.

La cita va dedicase cada añu a un ciéntificu asturianu, que nesti casu va ser Agustín Pedrayes, el conocíu como Matemáticu Pedrayes. Esti llastrín ñacíu en 1744 participó de la creación, en París, del Sistema Métricu Internacional.

El Día de les Ciencies Asturies va incluyir conferencies, materiales didácticos, actos en centros escolares y biblioteques, amás d’una esposición n’Uviéu y una publicación científica.

Tamién te podria gustar