La Conseyería convoca los certámenes escolares de la Selmana de les Lletres

La Conseyería convoca los certámenes escolares de la Selmana de les Lletres
19 xineru 10:48 2018 Imprimir

Los Certámenes Escolares de la XXXIX Selmana de les Lletres Asturianes nos que va poder participar l’alumnáu de los centros educativos d’Asturies vieno acabante convocase esti mes con delles novedaes nos certames de teatru, cartelismo, creción audiovisual y artística y lliteraria.
Con motivu de la XXXIX Selmana de les Lletres Asturianes, la Conseyería d’Educación y Cultura del Principáu d’Asturies, convoca otru añu más certámenes en llingua asturiana y gallego-asturianu dirixíos a tol alumnáu nestes modalidaes: certame de Creación Artística/Lliteraria, Certame de Creación Audiovisual, Certame de Cartelismu y certame de Teatru Escolar.Ente les novedaes d’esta convocatoria ta l’allargamientu del plazu de presentación d’orixinales, que pa teatru ye’l 30 marzu 2018; y pa otres categoríes, diez díes enantes, el 20 marzu 2018. Otra miente, hai tamién delles novedaes nos certámenes que vienen darréu:

• Certame de Teatru: na modalidá de Monólogu va poder participar tol alumnáu d’educación primaria; y otra de les novedaes ye la posibilidá de presentar la documentación de forma dixital.
• Certame de Cartelismu: enánchase la participación al alumnáu de 5.u y 6. u de primaria; y otra de les novedaes ye la posibilidá de presentar documentación de forma dixital.
• Certame de Creación Audiovisual: enánchase la participación al alumnáu de 5.u y 6. u de primaria; y otra de les novedaes ye la posibilidá de presentar documentación de forma dixital.
• Certame de Creación Artística y Lliteraria: va haber trés premios n’educación infantil pa caún de los cursos, que van premiar les meyores creaciones artístiques independientemente de la llingua que s’emplegue.
Más información: Certámenes escolares XXXIX Selmana Lletres Asturianes

Loading Facebook Comments ...