La conseyera sorraya l’esfuerzu ensin precedentes pa entamar el cursu

La conseyera sorraya l’esfuerzu ensin precedentes pa entamar el cursu
28 setiembre 08:24 2020 Imprimir

La conseyera d’Educación, Carmen Suárez, sorrayó esti vienres l’esfuerzu ensin precedentes realizáu pol Gobiernu del Principáu para garantizar esti cursu una educación calidable y segura, por aciu la baxada de la ratio d’alumnos per aula y la contratación de más de 860 docentes para cubrir les necesidaes causaes pola pandemia.

Na so comparecencia na Comisión d’Educación de la Xunta Xeneral pa desplicar la planificación del so departamentu pal entamu del cursu, Suárez afirmó que se dio «una situación estraordinaria que rique un esfuerzu escepcional. Nun superemos la pandemia. Precisamos la collaboración de toos para nun dexar a naide detrás», aprofió la conseyera, que destacó que’l Gobiernu central invirtió n’Asturies 32,2 millones d’euros ente que l’aportación adicional del Principáu pal cursu supera los cuarenta millones.

Con esti dineru, añedió, van mercase 1.500 ordenadores (PCs), 2.000 monitores táctiles y 1.000 webcams, amás de tabletes pal profesoráu. Pa completar esta dotación dixital, Educación reforzó la formación del profesoráu con cursu de formación col fin de «tar meyor preparáu y garantizar una meyor educación», puntualizó. Amás, resaltó un gastu de 3,2 millones d’euros pa l’alquisición de material de protección, señalización o refuerzu de llimpieza.

  Categories: