La conceyalía d’Infraestructures presenta’l proyectu de llimpieza y restauración de la muralla medieval d’Uviéu

La concejala d’Infraestructures y Servicios Básicos, Ana Rivas, presentó na Xunta de Voceros  celebrada esta selmana pasada’l proyectu de llimpieza y restauración de la muralla medieval d’Uviéu. Unos trabayos colos que se va saldar “una delda histórica de la ciudá col nuesu patrimoniu cultural y artístico”.

Según esplicó la edil, el proyectu estrema en cinco zones la muralla p’asina poder actuar de forma individualizada en caúna d’elles dependiendo de les condiciones nes que s’atope. Los trabayos van empezar a executase nel tramu entendíu ente la cai San  José y el final de la parcela de la casa sacerdotal, una zona a la van destinase casi 400.000 euros del remanente. Una inversión que yá cunta col vistu bonu de la comisión d’Economía y que va llegar al plenu d’esti martes, 5 de setiembre.

El proyectu de llimpieza y restauración inclúi en toes y caúna de les zones de la muralla les siguientes actuaciones:

• Llimpieza de la zona vexetal y llurdios de la piedra

• Afitamientu de la muralla

• Restauración de les partes nes que pueda dir actuando (nes zones de lladriyu, va actuase sobre ellos pa recuperar la idea orixinal de la muralla)

• Tratamientu hidrófugu (coles mires de que’l caltenimientu de la muralla sía más senciellu nun futuru)

Según indicó la conceyala d’Infraestructures, el  gastu total va superar el millón d’euros, anque “dependiendo de les actuaciones de la primer fase” va faese una revisión”  coles mires d’embrivir los gastos de les actuaciones.