La conceyalía d’Igualdá programa 9 talleres gratuitos hasta xunu

La conceyalía d’Igualdá programa 9 talleres gratuitos hasta xunu
30 xineru 11:04 2019 Imprimir

La conceyalía d’Igualdá del Conceyu d’Avilés vieno acabante programar 9 talleres gratuitos empobinaos a muyeres de conteníos rellacionaos cola cultura dende la perspectiva de xéneru, el desenvolvimientu personal y emocional, y el movimientu corporal. En 2018 desenvolviéronse 16 talleres nos que participaron 310 muyeres.

La conceyalía d’Igualdá del Conceyu d’Avilés programó 9 talleres gratuitos empobinaos a muyeres empadronaes n’Avilés, que se van impartir nos meses de febreru, marzu, abril, mayu y xunu de 2019. Los talleres van realizase na Casa d’Alcuentru de les Muyeres nel Edificiu Fueru (C/ Fernando Morán 26).

Estes actividaes, gratuites, tomen los ámbitos de desenvolvimientu personal, social, psico-corporal y cultural con perspectiva de xéneru. A lo llargo de los próximos meses, les muyeres participantes nestos talleres van poder realizar tamién visites en grupu, asistir a actividaes entamaes por cuenta de distintes de díes de conmemoración internacionales, participar en charla-coloquio y en conferencies sobro temática d’interés pa les muyeres.

Les inscripciones podrán realizase a partir del martes 29 de xineru, al traviés de dos víes:

  • Presencial nes sedes del Serviciu d’Atención Ciudadana. Plaza d’España 1. Llunes, miércoles y vienres de 8:00 a 14:30 hores. Martes y xueves de 8.00 a 17 hores. Centru de Servicios Municipales “El Focu” (C/Santa Apolonia, 126). De llunes a vienres de 8:00 a 14:30 hores
  • Online al traviés de http://www.aviles.es/TSAviles/

Toles actividaes son gratuites. Cada muyer puede participar nun máximu de 5 talleres. Ye necesariu tar empadronada n’Avilés y nun se dexa la inscripción en talleres yá realizaos n’anteriores ediciones.

Nel añu 2018 punxéronse en marcha 16 talleres y entamóse una visita cultural con perspectiva de xéneru, y delles actividaes de participación y dinamización social coles muyeres comenenciudes. En total, 310 muyeres participaron nestos talleres, ente que a les visites y actividaes asistieron alredor de 90.

Programación de talleres de Igualdad febrero-xunu 2019

Taller “Roles femeninos nes obres d’arte”
Conteníos: la influencia de los roles de xéneru nes obres d’arte, la muyer como oxetu de representación: na mitoloxía griega, nel arte cristiano; la muyer como oxetu de deséu.
Del 5 al 28 de de febreru (martes y xueves de 10.00 a 12.00 hores)
Places: 20. Duración: 16 hores

Taller “El cuerpu, el mio cuerpu: de l’apaciguadura al movimientu”
Conteníos: el nuesu cuerpu como espaciu de crecedera personal y autocuidado, nueves miraes del nuesu cuerpu al traviés del movimientu, la música y lo lúdico.
5, 12, 19 y 26 de de febreru, 19 y 26 de marzu, 2 y 9 d’abril (martes de 17.00 a 19.00 hores)
Places: 20. Duración: 16 hores

Taller “Error ¡Benditos erros!”
Conteníos: percepción y aprendizaxe social de los erros, trampes mentales, erros que nos ayudar a crecer, reevaluación positiva,…
7, 14, 21 y 28 de febreru, 14 y 21 de marzu (xueves de 17.00 a 19.00 hores)
Places: 20. Duración: 12 hores

Taller de risoterapia
Conteníos: usu de la risa como terapia, beneficios de la risa, la risa como sinónimu de salú, la música y baille como complementu, iniciación a la relaxación.
Del 8 de febreru al 12 d’abril (vienres de 10.00 a 12.00 hores)
Places: 20. Duración: 16 hores

Taller “Muyer na hestoria de la filosofía”
Conteníos: biografíes de filósofes y el so contestu históricu. Ente otres munches: Hiparquia, Hipatia d’Alexandría, Christine de Pizan, Sor Juana Inés de la Cruz, Olympe de Gouge, Hanna Arendt,…
Del 18 de marzu al 10 d’abril (llunes y miércoles de 10.00 a 12.00 hores)
Places: 20. Duración: 16 hores

Taller “Fortaleza emocional”
Conteníos: la resiliencia, les fortaleces y debilidaes, flexibilidá mental, capacidaes personales y oportunidaes d’aprendizaxe.
Del 23 d’abril al 11 de xunu (martes de 17.00 a 19.00 hores)
Places: 20. Duración: 16 hores. Realizáu en 2018

Taller “La psicoloxía na lliteratura y el cine”
Conteníos: representación nel cine y la lliteratura de los distintos trestornos psicolóxicos: ansiedá, estrés, fobias, depresión,…
Del 2 de mayu al 6 de xunu (xueves de 17.00 a 19.00 hores)
Places: 20. Duración: 12 hores

Taller “Vínculo familiares: madres y fíes”
Conteníos: los venceyos afeutivos na nuesa relaciones, venceyos afeutivos sanos: de autocuidado y d’escucha, la espresión emocional na relación.
6, 8, 13, 20, 22, 27 y 29 de mayu y 3 de xunu (llunes y miércoles de 10.00 a 12.00 hores)
Places: 20. Duración: 16 hores

Taller “Asertividad, l’arte de autoafirmarse”
Conteníos: distintos estilos de comunicación y la so influencia nes reacciones emocionales, la asertividad: ventayes y técniques, situaciones de evitación y autoafirmación.
Del 7 al 30 de mayu (martes y xueves de 10.00 a 12.00 hores)
Places: 20. Duración: 16 hores

  Categories: