La conceyalía d’Igualdá d’Avilés programa 9 talleres gratuitos pa muyeres hasta mayu

La conceyalía d’Igualdá del Conceyu d’Avilés programa 9 talleres de participación social pa muyeres que se van impartir nos meses de febreru, marzu, abril y mayu. Nel añu 2015 desenvolviéronse 17 talleres y  participaron más de 300 muyeres.

Estes actividaes gratuites tomen los ámbitos de desenvolvimientu personal y emocional, el cultural con perspectiva de xéneru y el tecnolóxicu o dixital. Amás, a lo llargo del semestre van poder ser entamaes visites en grupu a recursos municipales, charres-coloquiu y conferencies.

Nel añu 2015 desenvolviéronse 17 talleres y entamáronse 4 visites a distintos espacios o recursos municipales con una participación de más de 300 muyeres nos distintos talleres programaos y 40 muyeres nes visites culturales entamaes.

Les inscripciones entamaren esti 28 de xineru y pueden formalizase en:

Serviciu d’Atención Ciudadana del Conceyu d’Avilés. De 8:00 a 14:30 hores los llunes, miércoles y vienres; y de de 8.00 hores a 17.00 hores los martes y xueves
Centro de Servicios Municipales “El Focu” de Villalegre. De llunes a vienres de 8:00 a 14:30 hores
Inscripciones on-line al traviés de www.aviles.es

Los nuevos talleres son los siguientes:

Entamu en febreru

“Manexu de pensamientos automáticos negativos: ¿Quién va al volante?”

Martes y xueves de 10.00 a 12.00 hores (del 2 de febreru al 1 de marzu)

Duración: 16 hores. Places: 25

Llugar: Casa d’Alcuentru de les Muyeres. Edificiu Fueru

Conteníos: los pensamientos automáticos negativos, control de les emociones negatives, ferramientes p’aprender a xestionalos, practicar y aplicales na vida diaria.

“Cómo faer frente a la manipulación emocional”

Llunes y miércoles De 10.00 a 12.00 hores (3, 10, 15, 17, 22 y 24 de febreru)

Duración: 12 hores. Places: 25

Llugar: Casa d’Alcuentru de les Muyeres. Edificiu Fueru

Conteníos: manipulación y les sos consecuencies, desenvolvimientu de la nuesa capacidá de fae-yos frente, negociación y chantaxe, aprender a poner llendes.

“Les primeres periodistes, les sos collaboraciones en prensa”

Miércoles de 17.00 a 19.00 hores (10, 17, 24 de febreru y 2, 9, 16 de marzu)

Duración: 12 hores. Places: 25

Llugar: Casa d’Alcuentru de les Muyeres. Edificiu Fueru

Conteníos: el períodu ilustráu (¿La Pensadora Gaditana¿), el sieglu XIX (Emilia Pardo Bazán), la primer corresponsal de guerra (¿Colombine¿), la periodista como muyer moderna, (Josefina Carabias y Magda Donato).

Entamu en marzu

“Pido la palabra, yo tamién tengo daqué importante que dicir”

Martes y xueves de 17.00 a 19.00 hores (1, 3, 10, 15, 17, 22 de marzu)

Duración: 12 hores. Places: 25

Llugar: Casa d’Alcuentru de les Muyeres

Conteníos: estratexes de comunicación oral, el mieu a falar frente a los demás, la cobardura, virtú o defectu, xenerar seguridá y construyir enfotu.

“Salear por Internet y corréu electrónicu”

Del 14 al 17 de marzu de 9.30 a 12.30 hores (llunes, martes, miércoles y xueves)

Duración: 12 hores. Places: 12

Llugar: Telecentro Avilés I (C/ Marcos del Torniello 34)

Conteníos: salear y buscar información, accesu a una páxina Web. Corréu electrónicu: unviar y recibir, axuntar arquivos, xestionar la llibreta de direcciones.

Entamu n’abril

“Autoconocimiento al traviés del arte”

Llunes y miércoles de 10.00 a 12.00 hores (del 4 al 27 d’abril)

Duración: 16 hores. Places: 25

Conteníos: la espresión plástica, la espresión oral, el movimientu corporal y el desenvolvimientu de la creatividá de caúna de nós.

“Coaching emocional: Desenvolvimientu personal” (16 hores)

Martes de 17.00 a 19.00 hores (5, 12, 19, 26 d’abril y 3, 10, 17 y 24 de mayu)

Duración: 12 hores. Places: 25

Llugar: Casa d’Alcuentru de les Muyeres

Conteníos: la planificación estratéxica escontra les nueses metes, fontes de motivación personal, identificación y superación de mieos y torgues, aprendizaxe y desenvolvimientu d’habilidaes.

“Mindfullness: aliviu pa l’ansiedá, el estrés y la depresión nes muyeres”

Xueves de 17.00 a 19.00 hores (7, 14, 21, 28 d’abril y 5, 12, 19, 26 de mayu)

Duración: 16 hores. Places: 25

Llugar: Casa d’Alcuentru de les Muyeres

Conteníos: control de l’ansiedá, meyora de la concentración y atención, prevención del estrés y depresión.

Entamu en mayu

“Mercar y viaxar por Internet”

Del 9 al 12 de mayu (llunes, martes, miércoles y xueves) de 9.30 a 12.30h.

Duración: 12 hores. Places: 12

Llugar: Telecentro Avilés I (C/ Marcos del Torniello, 34)

Conteníos: Entamar un viaxe dende la busca d’hotel y la so reserva, la compra de billetes o la busca de sitios interesantes que visitar. Opciones pa mercar y distintos medios de pagu online, les puyes con eBay.