ConceyosCooperación La conceyalía d’Igualdá d’Avilés programa 9 talleres gratuitos hasta xunu by redacción asturnews 31 de xineru, 2020 written by redacción asturnews 31 de xineru, 2020 47 La conceyalía d’Igualdá del Conceyu d’Avilés tien programaos 9 talleres gratuitos empobinaos a muyeres empadronaes n’Avilés, que se van impartir nos meses de febreru, marzu, abril, mayu y xunu de 2020. Los talleres van realizase na Casa d’Alcuentru de les Muyeres nel Edificiu Fueru (C/ Fernando Morán 26). Estes actividaes, gratuites, tomen los ámbitos de desenvolvimientu personal, social, psico-corporal y cultural con perspectiva de xéneru. A lo llargo de los próximos meses, les muyeres participantes nestos talleres van poder realizar tamién visites en grupu, asistir a actividaes entamaes por cuenta de distintes de díes de conmemoración internacionales, participar en charla-coloquio y en conferencies sobro temática d’interés pa les muyeres. Les inscripciones yá puen realizase dende’l martes 28 de xineru, al traviés de dos víes: Presencial nes sedes del Serviciu d’Atención Ciudadana Plaza d’España 1. Llunes, miércoles y vienres de 8:00 a 14:30 hores. Martes y xueves de 8.00 a 17 hores. Centru de Servicios Municipales “El Focu” (C/Santa Apolonia, 126). De llunes a vienres de 8:00 a 14:30 hores Online al traviés de https://sedeelectronica.aviles.es/Convocatorias Toles actividaes son gratuites. Cada muyer puede participar nun máximu de 4 talleres. Ye necesariu tar empadronada n’Avilés y nun se dexa la inscripción en talleres yá realizaos n’anteriores ediciones. Si xuna persona atropa más de trés faltes d’asistencia, nun va poder realizar los demás talleres. 0 FacebookTwitterPinterestEmail Anterior The Electric Alley aterriza na Factoría Sound siguiente ‘Sherlock Holmes 3’ yá tien fecha d’estrenu y repartu confirmáu Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles