La conceyalía de Centros Sociales acueye’l programa de Conciliación familiar pa Selmana Santa en 8 centros

La conceyalía de Centros Sociales acueye una nueva edición del programa de Conciliación familiar nos díes non lectivos de Selmana Santa n’ocho centros. El plazu para inscribir a los menores d’ente 6 y 12 años nesti programa ta abiertu hasta’l próximu martes 22 de marzu, pal periodu non lectivu del 11 al 13 d’abril.

La Conceyalía de Centros Sociales caltien abierta la inscripción pal programa de conciliación en Selmana Santa que va tener llugar nun total d’ocho instalaciones municipales, mientres el periodu non lectivu del 11 al 13 d’abril, dambos incluyíos. Esti nuevu programa de conciliación familiar, que se suma al entamáu nos colexos pola conceyalía d’Educación, ta prevista pa menores d’ente 6 y 12 años, mientres los díes llaborales y n’horariu de 8:30 a 14:00 hores. Los Centros Sociales nos que se van desenvolver son los siguientes: Oteru, El Cortixu, Teatinos, Vallobín II, Cualloto, Cristu II, L’Argañosa, Naranco.

La conceyala de Centros Sociales, Lourdes García, destaca que “una vegada más, n’Uviéu ponemos a disposición de les families uvieines ferramientes pa faer posible la conciliación en vacaciones. En redolaes segures como los centros sociales o los colexos, onde los nuesos pequeños van participar n’actividaes lúdiques y pedagóxiques, y van tar con otros neños de la so edá aprendiendo al empar que se presten”, señala la concejala d’Educación y Centros Sociales. L’accesu a les actividaes va realizase al traviés de la tramitación de solicitú presencial en cada centru qu’acueya los talleres, o bien por aciu la see electrónica, rellenando’l formulariu on line allugáu al traviés de la páxina web municipal, na see electrónica del Conceyu d’Uviéu (Portal del ciudadanu)

Les places van asignar en función de la resultancia d’un sortéu posterior, ufiertando, dientro del plazu ordinariu, según la demanda recibida (cuando esistan llistes d’espera). Plazos envaloraos:

-Plazu d’Inscripciones: del 4 al 22 de Marzu (hasta les 14:00 hores)

-Llista d’almitíos-escluyíos: 25 de Marzu

-Fecha de Sortéu: 30 de marzu

-Publicación de resultancies: 4 d’Abril.